બનાવટી પાસપોર્ટ સાથે મહેસાણાનો શખ્સ આ એરપોર્ટ પરથી ઝડપાયો

આંદામાન અને નિકોબારના નિવાસી પાસપોર્ટ પર મુસાફરી કરી રહેલા મહેસાણાના એક વ્યક્તિની સરદાર વલ્લભભાઈ પટેલ ઈન્ટરનેશનલ (SVPI) એરપોર્ટ પરથી ધરપકડ કરવામાં આવી હતી. SVPI ઈમિગ્રેશન ઓફિસર નિલેશ સાલોખે ઝુલાસણના રહેવાસી પંકજ પટેલ વિરુદ્ધ એરપોર્ટ પોલીસમાં ફરિયાદ નોંધાવી હતી. પટેલ દુબઈથી કતાર એરવેઝમાં ઉડાન ભરી હતી. વધુમાં સાલોખે પોલીસને જણાવ્યું હતું કે, “મંગળવારે જ્યારે પટેલે ઈમિગ્રેશન ક્લિયરન્સ માટે મારો સંપર્ક કર્યો ત્યારે હું ફરજ પર હતો. તેના પાસપોર્ટ અને ઈમિગ્રેશનની વિગતો રેકોર્ડ સાથે મેળ ખાતી નથી.

વધુમાં જણાવ્યું મેં અલ્ટ્રાવાયોલેટ પ્રકાશ હેઠળ પાસપોર્ટની તપાસ કરી અને બાયો પેજના ફોટા પરની બે લાલ રેખાઓ ખૂબ જ હળવી હોવાનું જણાયું. વચ્ચેનો ટાંકો વાદળી દેખાયો, જે દર્શાવે છે કે તેની સાથે છેડછાડ કરવામાં આવી હતી અને બદલાઈ ગઈ હતી. જેકેટના પેજ પરના છિદ્રો સાથે પણ ચેડાં કરવામાં આવ્યા હતા અને પાછળના બાયો પેજ પર સુરક્ષા સુવિધાઓ ખૂટતી હતી. પાસપોર્ટ પોર્ટ બ્લેરના રહેવાસી શુભમ મંડલના નામે મળી આવ્યો હતો, જેની એક્સપાયરી ડેટ 2030 હતી. મંડલની જન્મ તારીખ મે 2001 આપવામાં આવી હતી.
Social