ધંધુકા તાલુકા પંચાયતની જિલ્લા વિકાસ અધિકારીએ મુલાકાત લીધી

ધંધુકા તાલુકા પંચાયત કચેરી ખાતે અચાનક જિલ્લા વિકાસ અધિકારી આવી પહોંચ્યા હતા ઉડતી મુલાકાતે આવેલા ડીડીઓએ તાલુકા પંચાયતના વિવિધ વિભાગના અધિકારીઓ અને કર્મચારીઓ પાસે કામગીરીની વિગતો માંગી પંચાયત કામગીરીની સમીક્ષા કરી હતી.

ધંધુકા તાલુકા પંચાયતની મુલાકાતે જિલ્લા વિકાસ અધિકારી આવી પહોંચતા ટીડીઓ ભુવાત્રા અને સ્ટાફે ઉષ્માભર્યું સ્વાગત કર્યું હતું ટૂંકી મુલાકાત દરમ્યાન ડીડીઓ એ તાલુકા પંચાયતના વિવિધ વિભાગોના અધિકારીઓ અને કર્મચારીઓ સાથે સમીક્ષા બેઠક યોજી હતી. બેઠકમાં સરકારની વિવિધ યોજનાઓ અંગે વિસ્તૃત માહિતી મેળવી હતી લાભાર્થીઓ સુધી લાભ ઝડપ થી પહોંચે અને યોજનાઓ કાર્યાન્વિત થાય તે માટે તાકીદ કરી હતી. ધંધુકા ખાતેની ટૂંકી મુલાકાત બાદ મળતી માહિતી મુજબ ડીડીઓ સીધા વાગડ ગામ જવા રવાના થયા હતા.

Social