ગુજરાતના દરિયાકાંઠે સર્ચ ઓપરેશન દરમિયાન 6 પાકિસ્તાની ઝડપાયા છે. ગુજરાત ATS, ભારતીય કોસ્ટ ગાર્ડ અને NCBના સંયુક્ત ઓપરેશનમાં આ 6 પાકિસ્તાનીઓની ધરપકડ કરવામાં આવી છે. આ સમયગાળા દરમિયાન તેમની પાસેથી 480 કરોડ રૂપિયાનું ડ્રગ્સ જપ્ત કરવામાં આવ્યું હતું. આ પકડાયેલા પાકિસ્તાનીઓને પોરબંદર લાવવામાં આવશે. કોસ્ટ ગાર્ડ, એટીએસ અને એનસીબીએ મળીને અત્યાર સુધીમાં 3,135 કરોડ રૂપિયાનું ડ્રગ્સ જપ્ત કર્યું છે.
    માહિતી અનુસાર ભારતીય કોસ્ટ ગાર્ડ, NCB અને ATS દ્વારા સંયુક્ત ઓપરેશનમાં, ગુપ્ત માહિતીના આધારે ભારતીય કોસ્ટ ગાર્ડ (ICG) દ્વારા એક પાકિસ્તાની બોટને પકડી લેવામાં આવી છે. બોટમાં 6 ક્રૂ મેમ્બર હતા. તેમની પાસેથી અંદાજે રૂ. 480 કરોડનું નાર્કોટિક્સ જપ્ત કરવામાં આવ્યું હતું.પોરબંદરથી આશરે 350 કિમી દૂર અરબી સમુદ્રમાં એક સંયુક્ત ઓપરેશનમાં પાકિસ્તાની બોટને અટકાવવામાં આવી હતી. ઓપરેશનમાં ICG, NCB અને ATS ગુજરાત વચ્ચે સારા સંકલનના કારણે આ બોટ પકડી શકાઈ હતી. ભારતીય સુરક્ષા એજન્સીઓને ચોક્કસ ગુપ્ત માહિતી મળ્યા બાદ વ્યૂહરચના ઘડીને આ કાર્યવાહી હાથ ધરવામાં આવી હતી. આ અંતર્ગત અરબી સમુદ્રમાં જહાજો તૈનાત કરવામાં આવ્યા હતા. ICG એ તેના ડોર્નિયર એરક્રાફ્ટને સંભવિત વિસ્તારોમાં બોટને સ્કેન કરવા અને તેને શોધવાનું કામ પણ સોંપ્યું હતું. આ વિસ્તારમાં ઝીણવટભરી શોધખોળ કર્યા પછી, NCB અને ATS ગુજરાતની ટીમો સાથે ICG જહાજ અંધારામાં બોટ શંકાસ્પદ રીતે આગળ વધી રહી હતી
 ત્યારબાદ ICG જહાજો પીછો કરવામાં આવ્યો અને તેમને રોકવાની ફરજ પડી. બોર્ડિંગ ટીમ પ્રારંભિક તપાસ માટે તરત જ જહાજ પર ચઢી ગઈ. જ્યારે ત્યાં જોયું તો 6 ક્રૂ મેમ્બર હાજર હતા. જોઈન્ટ બોર્ડિંગ ટીમ દ્વારા ચેકિંગ દરમિયાન અંદાજે 480 કરોડની કિંમતનું 80 કિલો ડ્રગ્સ જપ્ત કરવામાં આવ્યું હતું.બોટને તેના ક્રૂ સહિત કબજે કરી વધુ તપાસ માટે પોરબંદર લાવવામાં આવી રહી છે. છેલ્લા ત્રણ વર્ષમાં ICG દ્વારા ATS ગુજરાત અને NCB સાથે સંયુક્ત રીતે કરવામાં આવેલી આ 10મી ધરપકડ છે. જેમાં કુલ 3135 કરોડની કિંમતનો 517 કિલો માદક દ્રવ્યોનો જથ્થો જપ્ત કરવામાં આવ્યો છે.