સાણંદ નગર પાલિકા ચૂંટણીનું બ્યુગલ વાગી ચૂક્યું છે ત્યારે રાજકીય પક્ષોમાં ચૂંટણીના ઉમેદવારોની પસન્દગીનો ધમધમાટ શરુ થઇ ગયો છે.ત્યારે છેલ્લા કેટલાક સમયથી સાણંદમાં પ્રવર્તતી વહીવટી અસ્થિરતા અને શહેરમાં વકરી રહેલ સમસ્યાઓ અને માળખાકીય સુવિધાઓના અભાવને કારણે શહેરીજનોમાં ભારોભાર રોષની લાગણી છે ત્યારે સાણંદ જેનો ગઢ ગણાય છે એવા સત્તા પક્ષ ભાજપને પણ આ ચૂંટણીમાં સજાગ રહેવાની જરૂર છે જયારે અન્ય પક્ષો કોંગ્રેસ અને આમઆદમી પાર્ટી બંને માટે તો આમ પણ ભાજપના ગઢ ગણાતા સાણંદમાં ગાબડું પાડવું એ એક મોટી ચેલેન્જ જ છે.
સાણંદ નગરપાલિકા વિસ્તારમાં ગત ચૂંટણીમાં કરાયેલા વાયદા અને બતાવેલા દીવાસ્વપ્નો ભાજપે સત્તામાં આવ્યા બાદ સાત -સાત વર્ષેય પુરા કર્યા નથી , વધુમાં શહેરીજનોને જરૂરી એવી રોજબરોજની સુવિધાઓમાં પણ નાગરિકોને હાલાકી ભોગવવી પડી રહી છે જેમાં ગંદકી , ગટર વ્યવસ્થા અને ટ્રાફિક સમસ્યાઓ મુખ્ય છે અને એમાં વળી વેરા વધારો અને સૂચિત ગટર વેરાની વાત આ બધા મુદ્દા આ ચૂંટણીમાં ભાજપને હંફાવી શકે છે , વળી ગત ચૂંટણીમાં ચૂંટાયેલ બોડીના અંધેર વહીવટને કારણે પાલિકા તિજોરીનું તળિયા ઝાટક થવું અને પાલિકાને બેઠી કરવા લોકો પર કરબોજ લાદવાની ફરજ પડતા લોકોમાં ભારોભાર રોષ ભરેલો છે ત્યારે સત્તાપક્ષ ભાજપે ઉમેદવારોની પસન્દગીમાં ભારે સજાગ રહેવું પડશે તે નક્કી છે . સાણંદ પાલિકાનો દાટ વાળવામાં ભૂમિકા ભજવનાર એકેય કે તેના મળતિયાઓને જો ઉમેદવારી મળી તો પ્રજા પોતાનો મિજાજ બતાવે અને વર્ષોથી પંકાયેલા ભાજપના ગઢમાં ગાબડું પડે એવું પણ બની શકે. સાચી વાત છે જ્યાં કામ હોય ત્યાં સમસ્યાઓ પણ હોય પરંતુ આ સમસ્યાને સાંભળવા ગત ટર્મના કેટલા કોર્પોરેટરો પાલિકાએ ઉપસ્થિત રહેતા કે પોતાના વિસ્તારમાં લટાર મારી કેટલા સદસ્યોએ લોકોને હૈયા ધારણ આપી ?? પબ્લીકને સાંભળનાર જ કોઈ ના હોય એ પબ્લિકે મુકેલા વિશ્વાસનો ઘાત નહિ તો બીજું શું છે ? સમસ્યાઓ તો ઠીક પણ દેખીતો ભ્રષ્ટાચાર તમે કઈ રીતે ચલાવી શકો ? ચૂંટણીઓ જીતવા કોર્પોરેટ હાઉસ કરતા પણ ચડિયાતી સ્ટ્રેટેજી કરનાર સત્તાપક્ષ શું આવા ભ્રષટાચારીઓને ના શોધી શકે ? બધું ખબર હોવા છતાં જનતાની અને શહેરની ઘોર ખોદવી તે કેટલી અંશે યોગ્ય છે ? આ ના થવા દેવું હોય તો ઉમેદવારોની પસન્દગી કોઈ પણ શેહ શરમ વગર , યોગ્ય હોય તેનેજ ઉમેદવારી આપવી એ જરૂરી છે . હા ચોક્કસ આમાં પક્ષમાં રોષ ફાટી નિકળે તેવું બને પણ શહેરનું ભલું થશે .બીજી તરફ કોંગ્રેસ અને આમઆદમી પાર્ટીની વાત કરીએ તો શહેર આટ આટલી સમસ્યાઓથી ઘેરાયેલું છે ત્યારે આ બંને પક્ષને સારા મુદ્દા મળી રહે તેમ છે પરંતુ આ મુદ્દાનો લાભ લેવા કે જનતાનો વિશ્વાસ જીતવા સૌથી મોટું પરિબળ છે સારા ઉમેદવારો . જો આ પક્ષો સ્વચ્છ પ્રતિભા ધરાવતા મજબૂત ચહેરા મેદાને ઉતારવામાં ઉણા ઉતર્યા તો એકેય પક્ષ પરિસ્થતિનો લાભ નહિ ઉઠાવી શકે કે લોકોના રોષને મતોમાં નહિ બદલી શકે .વધારાનો એક મુદ્દો કે ફેક્ટર ગણીએ તો તે છે અપક્ષ , શહેરમાં ચૂંટણીનો માહોલ જોતા કેટલાક યુવાઓ અપક્ષમાં ઝંપલાવે તેવું પણ ચિત્ર ઉભરી રહ્યું છે ત્યારે જો રાજકીય પક્ષો ઉમેદવારોની પસન્દગી થાપ ખાશે તો ભોગવવવાનું ચોક્કસ આવશે . પ્રજાની વાત કરીએ તો સાતેક વર્ષ પછી માંડ માંડ બાજી પ્રજાના હાથમાં આવી છે. આગામી 15 દિવસ ખરેખર પ્રજા માટે ખુબજ અગત્યના છે . ચૂંટણીમાં કોઈની શેહ શરમ વગર સ્થાનિક સ્વરાજની સંસ્થા એવી પાલિકામાં ખરેખર સ્થાનિક લોકોનું સ્વરાજ સ્થાપી શકે તેવા ઉમેદવારોને ચૂંટી લાવવા તે પ્રજાની ફરજ છે અને આ ફરજ જો પ્રજા નિભાવશે તો અને તો જ પ્રજાને પોતાના હક્કો મળશે કારણ ફરજ અને હક્ક એ સિક્કાની બે બાજુ છે જેમાં પહેલા ફરજ છે અને એનું પરિણામ જ હક્ક છે . જો આ ચૂંટણીમાં પ્રજા પોતાની ફરજ ચુકી તો પ્રજાને પોતાના હક્કો મેળવવા ફાંફા પડી જશે તે નક્કી છે .

સાણંદની હરિઓમ સોસાયટી વિસ્તારમાં છેલ્લા દોઢેક વર્ષથી રોજે રોજ ગટરો ઉભરી રહી છે . હવે તો આ ગટરો એવી ઉભરાય છે કે પાડોશીઓ વચ્ચે મનદુઃખ ને ઝગડા ચાલુ થયા છે.ગટરના પાણીનો નિકાલ ન હોવા છતાં મુખ્ય લાઈનમાં લોકોએ આડેધડ કનેક્શનો આપી દેતા રોજે રોજ નરકાગાર જેવી સ્થૈતી પેદા થાય છે ને પછી શરુ થાય છે ઝગડા . આ વિસ્તારના રહીશોના જણાવ્યા મુજબ હરિઓમ સોસાયટી સાણંદમાં હોય જ નહિ એ રીતે નોધારી બની ગઈ છે , સોસાયટીમાં ઝગડા ની સાથે સાથે મચ્છરન ઉપદ્રવને કારણે રોગચાળો પણ ફાટી નીકળ્યો છે ત્યારે પાંચ વર્ષમાં એકજ વખત વોટ માંગવા આવતા એકેય આગેવાનો અહીં દર્શન પણ નથી આપી રહયા , રહીશો એક દફતરેથી બીજા દફતરે ભટકી રહ્યા છે પણ પરિસ્થિતિ સુધારવાને બદલે ગંભીર થઇ રહી છે ત્યારે ફરી એકવાર આ વિસ્તારના રહીશો આ મુદ્દે પાલિકા , મામલતદાર અને આરોગ્ય વિભાગ પાસે સોમવારે દોડી ગયા હતા , સૌએ કાયમની જેમ માત્ર આશ્વાસન આપ્યું હતું , આ રહીશોની સમસ્યા મુદ્દે કયારે એક્શન લેવાશે તે જોવું રહ્યું.

સાણંદમાં રહેતા હર્ષવર્ધનસિંહ મહિપતસિંહ રમલાવત ચાંગોદર ખાતે આવેલ ખાનગી કંપનીમાં નોકરી કરે છે. ગઈ તા.23/11/2024 ના રોજ તેઓના મોબાઇલમાં વોટ્સ એપમાં એક નંબર પરથી મેસેજ આવેલ અને તેઓને ઘેર બેઠા નોકરી માટેનીઓફર આપેલ હતી. જેથી તેઓએ મેસેજમાં વાત કરેલ એક લીંક મોકલી આપેલ જે લીંક ઉપર ક્લિક કરી હોટલના રેટીંગ આપી સ્ક્રિન શોર્ટ મોકલવા જણાવેલ તે મુજબ કરતાં ઠગે હર્ષવર્ધનસિંહ પાસે UPI આઈ.ડી. માંગતા તેઓએ આપ્યું હતું અને તેઓમાં ખાતામાં ઠર્ગે રૂ.200 મોકલ્યા હતા. ત્યારબાદ એક ટેલીગ્રામ લિંક મોકલી અને માર્કેટ ટ્રેડીંગનો ટાસ્ક આપ્યા હતા, ત્યાબાદ અલગ અલગ ટાસ્ક આપી અલગ અલગ ટ્રાન્જેકન કરવી કુલ રૂ.6,53,900 ટ્રાન્જેન કરાવ્યા હતા, જો કે યુવકે પૈસા પરત માંગતા વધુ પૈસા માગતા યુવકને ફ્રોડ થયાનું ધ્યાને આવતા સમગ્ર મામલે સાણંદ પોલીસમાં બનાવ અંગે ફરિયાદ નોંધાવી હતી. બીજા બનાવ સાણંદમાં રહેતા
દેવેન્દ્રકુમાર રમેશચંન્દ્ર કોલટ રોડ ઉપર દુકાનમાં ચલાવે છે. તેઓને વોટ્સ એપમાં એક મેસેજ આવેલ જેમાં VIP Coatue Management Bull Stock નામના ગૃપમાં એડ થવા માટે જણાવેલ હતુ. જેથી દેવેન્દ્રકુમાર તેઓને પુછતા તેઓએ જણાવેલ કે, આ એપ્લીકેશન માં તમે પૈસા ઈન્વેસ્ટ કરશો તો તમારા પૈસા અમે શેર માર્કેટમાં ઈનવેસ્ટ કરીશું તેવી વાત કરતા દેવેન્દ્રકુમારએ વિશ્વાસ રાખી તેમના જણાવેલ ખાતામાં કુલ રૂ. 3.15 લાખ ટ્રાન્સર કર્યા હતા અને દેવેન્દ્રકુમારએ પૈસા વિડ્રોવ કરતા ન થતાં ઠગે ક્રેડીટ સ્કોર વધારવો હોય તો રૂ.2 લાખ ટ્રાન્સર કરવા પડશે તેવી વાત કરી વધુપૈસા માંગ્યા હતા

ક્ષત્રિય સમાજ દ્વારા સાણંદ શહેર ભાજપ પ્રમુખ વિરેન્દ્રસિંહ ચનુભા ઝાલાનો સન્માન સમારોહ સાણંદ એકલિંગજી રોડ પર આવેલ પામ હોટલ ખાતે યોજાયો હતો.આ પ્રસન્ગે સાણંદમાંથી મોટી સંખ્યામાં ક્ષત્રિય આગેવાનો ,યુવાઓ ઉપસ્થિત હતા.મોટી સંખ્યામાં લોકોએ પુષ્પગુચ્છથી નવ નિયુક્ત ભાજપ પ્રમુખનું અભિવાદન કર્યું હતું. લોકોની લાગણીઓને વધાવતા મુન્નાભાઈએ શહેરની સમસ્યાઓ જેમ કે રોડ ,રસ્તા ,ગટર જેવા પ્રશ્નો ઉકેલવા માટે પોતે મહેનત કરશે એવી ખાતરી આપી હતી .અને પબ્લિક માટે તેઓ 24 કલાક ઉપલબ્ધ રહેશે તેવું જણાવતા લોકોમાં આનંદ છવાયો હતો .

            સાણંદના નવાપુરા બ્રિજ પર જીવલેણ માર્ગ અકસ્માત નોંધાયો છે, બાઇક પર જતાં બે યુવકોને અજાણ્યા વાહન અડફેટે લેતા આશાસ્પદ એક યુવાનનું મોત નિપજ્યું હતી જ્યારે અન્ય યુવકને ઇજાઓ થઈ હતી. ઘટના ચાંગોદર પોલીસ ચોપડે ચડી છે.
       મૂળ મંગલપુરબજાર તા. હાટા જી.પડોના અને ચાંગોદરમાં પરિવારજનો સાથે વસવાટ કરતો વિષ્ણુ (ઉં.આશરે 19) અને તેનો ફ્રેન્ડ રાહુલ યાદવ બંને જણા બાઇક પર સનાથલ તરફ જઈ રહ્યા હતા ત્યારે નવાપુરા બ્રિજ પર કોઈ વાહન ચાલક બાઇકને અડફેટે લેતા વિષ્ણુનું બનાવ સ્થળે ગંભીર ઇજાઓ થતાં મોત થયું હતું અને ટેન ફ્રેન્ડને પણ ઇજાઓ પહોંચી હતી.

સાણંદ શહેર તથા તાલુકા ભાજપના પ્રમુખની આખરે ગુરુવારે સત્તાવાર જાહેરાત થતા અટકળોનો અંત આવ્યો છે .ભાજપ હાઇકમાંડે આ વખતે શહેર અને તાલુકામાં બંને જગ્યાએ યુવા ચહેરાઓ પર પસન્દગી ઉતારતા સમગ્ર તાલુકામાં ઉત્સાહનો માહોલ જોવા મળી રહ્યો છે . સાણંદ શહેર પ્રમુખ પદે સાણંદ પાલિકામાં સદસ્ય રહી ચૂકેલા વિરેન્દ્રસિંહ ચનુભા ઝાલા (મુન્નાભાઈ ગેપપરા ) ની નિમણુંક કરાઈ છે . જયારે તાલુકામાં પણ જિલ્લા યુવા મોરચાના મહામંત્રી તરીકે સક્રિય એવા હસમુખભાઈ સોલંકી (માણકોલ)ની નિમણુંક કરવામાં આવી છે .ભાજપ પ્રમુખની નિમણૂંક થતા સાણંદ કચેરી વિસ્તારમાં ભવ્ય આતશબાજી સાથે ઉજવણી કરવામાં આવી હતી .

સાણંદમાં પોલીસ સ્ટેશન સામે હાઇવે પર વહેલી સવારે ખાનગી કંપનીના કર્મચા રીઓને લેવા ઉભેલ લકઝરી બસ પાછળ ટ્રેલર અથડાતાં એક યુવતીને સામાન્ય ઇજાઓ થઈ હતી. બનાવ અંગે સાણંદ પોલીસમાં બસ ચાલકે ટ્રેલર ચાલક વિરુદ્ધ ફરિયાદ નોંધાવી છે.
સાણંદ જીઆઈડીસીની મધરસન કંપનીના સ્ટાફને નોકરી જવા માટે સાણંદ પોલીસ સ્ટેશન ની સામે આવેલ બસ સ્ટેન્ડ ઉપર બસ ઉભી હતી ત્યારે કર્મચારી બેસી રહ્યા હતા તે સમયે એક ટ્રક પુર ઝડપે બસના પાછળના ભાગે અથડાતા બસના પાછળના ભાગે આવેલ કેબીનના નુકસાન થયું હતું. તેમજ બસની પાછળની છેલ્લી સીટમાં કંપનીમાં નોકરી કરતી જીગીશાબેન રણછોડભાઈ બારીઆને સામાન્ય ઇજા થઈ હતી. ઘટના પગલે હાઇવે પર ટ્રાફિકજામ સર્જાયો હતો.
અકસ્માત કરેલ ટ્રેલર મોડી રાત્રે દૂર કરવાની કામગીરી ક્રેન દ્વારા કરાઇ હતી.

સાણંદના મોટા ચુનારાવાસમાં આગણવાડી પાસે રહેણાક વિસ્તારમાં ગટરના પાણીનો ભરાવો થતાં અહિયાં ગંદકીનું સામ્રાજ્ય તાંડવ કરી રહ્યું છે. રહેણાક મકાન પાસે જ ગટરના દૂષિત પાણી ઉભરાવવાથી રોગચાળો ફાટી નીકળવાની રહીસોને દહેશત રહેલી છે. ત્યારે આ સમસ્યાનો ઉકેલ ન આવતા પાલિકા તંત્રની કામગીરી સામે રહીશોએ સવાલો ઉઠાવ્યા હતા.

સાણંદના ખોડા ગામના પાટિયા પાસે એક કંપની બહાર પાર્ક બાઇકની રાત્રે સમયે કોઈ ચોરે રૂ.50 હજારના બાઇકની ચોરી કરી ફરાર થઈ જતાં સમગ્ર ઘટના અંગે સાણંદ જીઆઈડીસી પોલીસે ગુનો નોંધયો છે.
સાણંદના ખોડા ગામના પાટિયે આવેલી ચેતક લોજીસ્ટિક કંપનીની રૂમમાં રહેતા અને મૂળ યુ.પીના અમનસિંઘ અશોકસિંધ ઠાકુર કંપનીના ગોડાઉનમા મેનેજર તરીકે નોકરી કરે છે. ગત 12 ડિસેમ્બરે રાત્રે કંપનીએથી સાંજે છ વાગ્યે નોકરી પુરી કર્યા બાદ અમનસિંઘ સાથેના બીજા માણસો કંપનીના રૂમ ઉપર ગયા હતા અને કંપનીએ ફાળવેલા બંને બાઇક રૂમની બહાર પાર્ક કરી સ્ટિયરીંગ લોક લગાવીને રાત્રે જમીને સુઇ ગયા હતા.
બીજા દિવસે સવારે અમનસિંઘે ઉઠીને જોતાં પાર્ક કરેલા બન્ને બાઈકો ન હતા 50 હજારની કિંમતના 2 બાઇકની કોઈ અજાણ્યા ચોર ઇસમ ચોરી ફરાર થઈ જતાં આ અંગે સાણંદ જીઆઈડીસી પોલીસમાં ફરિયાદ નોંધાઈ છે. તાજેતરમાં સાણંદના સનાથલ સર્કલ પાસે આવેલા મહાલક્ષ્મી કોલ્ડ સ્ટોરેજ બહાર પાર્ક કરેલું 80 હજારની કિંમતનું સ્કૂટર ચોરાયું હતું, ત્યારે સાણંદ શહેર તેમજ તાલુકાના ગ્રામ્ય વિસ્તારમાં વાહન ચોરી કરતાં ઇસમોને ઝડપી કાર્યવાહી કરવા લોક માંગ ઉઠી છે.

સાણંદના નવા બાપયાસ રોડ પાસેથી સ્ટેટ મોનિટરિંગ સેલની ટીમે વિદેશી દારૂની 3605 બોટલ ભરેલૂ ટેન્કર પકડી પાડ્યું હતું. પેટ્રોલ – ડિઝલની હેરાફેરી માટે વપરાતા આ ટેન્કરમાં દારૂની ખેપ મારવામાં આવતી હતી. દારૂ ભરેલું આ ટેન્કર રાજસ્થાનથી ગાંધીધામ કચ્છ જઈ રહ્યું હતું. પોલીસે દારૂ તેમજ ટેન્કર મળીને કુલ રૂ.38.42 લાખના મુદ્દામાલ સાથે ડ્રાઈવરની ધરપકડ કરી હતી.
વિદેશી દારૂનો જથ્થો ભરેલું ટેન્કર રાજસ્થાનથી અમદાવાદ થઈને ગાંધીધામ કચ્છ જવાનું હોવાની બાતમી સ્ટેટ મોનિટરિંગ સેલને મળી હતી. ટીમે સાણંદ દરબાર રોડનાકા પાસે વોચ ગોઠવી હતી. આ દરમિયાનમાં ત્યાંથી પસાર થઈ રહેલા ટેન્કરને પોલીસે રોક્યું હતું અને ઢાંકણા ખોલીને જોતા તેમાંથી દારૂની 3605 બોટલ (કિંમત રૂ.23.36 લાખ) ની મળી આવી હતી. આ સાથે પોલીસે ડ્રાઈવર માંગીલાલ (સાંચોર, રાજસ્થાન) ને ઝડપી લીધો હતો. તેની પૂછપરછ કરતા આ દારૂનો જથ્થો રમેશ બિશ્નોઈએ મોકલ્યો હતો. આ માહિતીના આધારે પોલીસે ડ્રાઈવરની ધરપકડ કરીને દારૂ – ટેન્કર કબજે કરી વધુ તપાસ હાથ ધરી છે.