સનાથલ સર્કલથી પ્રતિબંધિત ઇ-સિગારેટ સાથે સરસપુરનો યુવક પકડાયો

July 12th, 2024

સાણંદના સનાથલ સર્કલ પાસેથી ચાંગોદર પોલીસે પ્રતિબંધિત વસ્તુ ઇ. સીગારેટનું ખાનગીમાં વેચાણ કરવા જતાં અમદાવાદના સરસપુરમાં રહેતા યુવકને રૂ.36600ના મુદ્દામાલ સહતે પકડાયો હતો અને યુવક વિરુદ્ધમાં ધી પ્રોહીબિશન ઓફ ઇલેક્ટ્રોનિક સીગારેટસ એકટ 2019 ની કલમ અંતર્ગત ગુનો નોંધયો હતો.
પ્રાપ્ત માહિતી અનુસાર ચાંગોદર પોલીસ સ્ટેશનના ધનરાજસિંહ નારણસિંહને બાતમી મળેલ કે એક ઇસમવાદળી કલરનું એક્ટીવા લઈ પ્રતિબંધિત વસ્તુ ઇ. સીગારેટનું ખાનગી રીતે વેચાણ કરવા સનાથલ સર્કલથી પસાર થનાર છે જેથી પીએસઆઈ આર.ડી.દિવાકર તેમજ પોલીસ ટીમે વોચ ગોઠવીને સ્કૂટર પર આવતા અમદાવાદના મીહીર ચંદ્રકાંત પટેલ (રહે-મકાન નં 1239 સરસપુર)ને પકડી બેગમાંથી જુદી-જુદી ફફ્લેવરની ઈ. સીગારેટના 4 બોશ મળી આવ્યા હતા અને પોલીસે તપાસમાં એક વેપની કિ.રૂ.-1650/-માં વેચાણ કરતો હોવાનું જણાવેલ, જેથી પોલીસે ઈ.સીગારેટ, મોબાઇલ, એક્ટીવા મળી કુલ રૂ. 36600નો મુદ્દામાલ જપ્ત કરી ઈસમ વિરુદ્ધમાં ચાંગોદર પોલીસે ગુનો દાખલ કર્યો

સાણંદના માધવનગર સ્ટેટ હાઇવે ઉપર અકસ્માતમાં 4 ગાયોનાં મોત

July 10th, 2024

સાણંદ શહેર પાસે આવેલા માધવનગર નજીક સવારે હાઈવે પર કોઇ અજાણ્યા વાહન ચાલકે હાઇવે રહેલી 6 ગાયોને ટક્કર મારી હતી ટક્કર મારતા ચાર ગાયોના મોત થયા હતા, જ્યારે બે ગાયો ને ગંભીર થતા સ્થાનિક લોકોએ સારવાર કરી હતી. અકસ્માત કરીને વાહન ચાલક નાસી ગયો હતો. સાણંદમાં રખડતી ગાયોને રસ્તા ઉપર થી દૂર કરવા સ્થાનિકોએની રજૂઆત ઉઠી છે.

નવાપુરા બ્રિજ પાસે હોટલ નજીક પાર્ક કરેલ બાઇક ચોરી

July 10th, 2024

સાણંદના નવાપુરા બ્રિજ પાસે પાર્ક કરેલ બાઇકની અજાણ્યા તસ્કરે ચોરી કરી ફરાર થતાં ચાંગોદર પોલીસમાં ફરિયાદ નોંધાઈ છે.
સૂત્રોના જણાવ્યા મુજબ ધોળકામાં રહેતા 23 વર્ષીય વિશાલકુમાર ભરતભાઈ ચાવડા ત્રાસદની ખાનગી કંપનીમાં નોકરી કરે છે અને નવાપુરા ખાતે આવેલ ખાનગી કંપનીમાં વિશાલ તેના માસાને મળવા માટે બાઇક લઈને બપોરે ગયેલ અને બાઇક સંગમ ગેસ્ટ હાઉસ પાસે પાર્ક કરી કંપનીની અંદર ગયેલ અંગે પરત બહાર અંદાજે 40 મિનિટ પછી આવતા પાર્ક કરેલ જગ્યાએ બાઈક ન હતું, વિશાલએ આજુ-બાજુમાં તપાસ કરતા બાઇક મળ્યું ન હતું. આશરે રૂ.30 હજારની કિંમતનુ પાર્ક કરેલ બાઇકની અજાણ્યા ચોર ઇસમે ચોરી ફરી ફરાર થઈ જતાં બનાવને લઈને વિશાલકુમાર ચાવડાએ ચાંગોદર પોલીસમાં ફરિયાદ નોંધાવી હતી.

Breaking News

સાણંદમાં ભગવાન જગન્નાથની રથયાત્રા યોજાઇ

July 7th, 2024

આજે અષાઢી બીજના દિવસે સાણંદમાં 27મી રથયાત્રા યોજાઈ હતી. ભગવાન જગન્નાથ, બહેન સુભદ્રા અને ભાઈ બલરામ શહેરની નગરચર્ચાએ નીકળ્યા છે. રથયાત્રાને લઈને સાણંદ પીઆઈ સહિત પોલીસનો બંદોબસ્ત ગોઠવાયો હતો. સાણંદ સિવિલ હોસ્પિટલ પાસે રામજીમંદિરથી રથયાત્રા શરૂ થઈ હતી અને ત્યાંથી ભવનાથ મંદિરથી ઔડા ગાર્ડન, સુંદર ફ્લેટ થી બળીયાદેવના મંદિર થી કોલટ રોડ પર થઈ જલારામ મંદિરથી સોમનાથ બસ સ્ટેન્ડ, ગેપપરા થઈ ઘોડાગાડી,બસ સ્ટેન્ડ થઈ હાઇવે પર ગઢીયા ચાર રસ્તા થઈ બપોરે 2:20 કલાકે પરત નિજ મંદિરે રથયાત્રા સંપન્ન થઈ હતી. રથયાત્રાને લઈને શહેરમાં ભક્તિમય માહોલ જોવા મળ્યો હતો.

સાણંદના પિંપણ ગામે ઘર આગળ પાર્ક રૂ.1 લાખની બાઇક ચોરાઇ

July 5th, 2024

પિંપણ ગામે રહેતા અને શેલામાં ફેબ્રીકેશનની દુકાન ચલાવતા આનંદભાઈ કરશનભાઈ પરમાર (મૂળ સુરેન્દ્રનગર) દુકાનનુ કામ પતાવી રાત્રે નવેક વાગે ઘરે આવેલ ઘરની બહાર બાઇક પાર્ક કર્યું હતું અને રાત્રે સૂઈ ગયેલ વહેલી સવારે ઉઠીને ઘરની બહાર જતા જોતા પાર્ક કરેલ જગ્યાએ બાઇક ન હતું તપાસ કરતા અંદાજે રૂ.1,05,549/- ની કિંમતનું બાઇક અજાણ્યા ચોરે ચોરી કરી ફરાર થઈ જતાં બનાવ અંગે આનંદભાઈએ સાણંદ પોલીસમાં ફરિયાદ નોંધાવી હતી.

સાણંદમાં પાર્ક કરેલી કારની ચોરી થઈ

July 3rd, 2024

સાણંદના હજારી માતાજીના મંદીર ની સામે આવેલ ગાયત્રી કોમ્પલેક્ષમાં રહેતા અને મુળ રહે.ધાર પીપળા ગામ તા.રાણપુર જી.બોટાદના મુકેશભાઈ સુખાભાઈ દરજીયા જી.આઇ.ડી.સી. ખાતે આવેલ ખાનગી કંપનીમાં છેલ્લા એક વર્ષથી કોન્ટ્રાકટરનુ કામ કરે છે ગઇ તા-૨૨/૦૬/૨૦૨૪ ના રોજ સવારના આશરે દશેક વાગ્યાના સુમારે તેઓએ ઈકકો ગાડી સાણંદ ગાયત્રી કોમ્પલેક્ષની સામે આવેલ વિનાયક બીલ્ડીંગની બાજુમાં પાર્ક કરેલ અને આ ઇકકો ગાડીની ચાવી તેઓના કોન્ટ્રાકટરમાં કામ કરતા સુપરવાઇઝર વિજેન્દ્ર ઠાકુર (હાલ રહે. મોતીપુરા ગામ તા.સાણંદ મુળ રહે. યુ.પી.)ને આપેલ અને ત્યારબાદ તેઓ દ્વારકા દર્શન કરવા માટે નિકળી ગયા હતા અને રાત્રીના તેઓના ફોનમા વિજેન્દ્ર ઠાકુરનો ફોન આવેલ અને મને જણાવેલ કે આપણી ઇકો ગાડી મે સાણંદ ગાયત્રી કોમ્પલેક્ષની સામે આવેલ વિનાયક બી લ્ડીંગની બાજુમાં પાર્ક કરેલ હતી તે જગ્યાએ નથી.
તેવી વાત કરેલ જેથી તેઓએ દ્રારકાથી બીજા દીવસ સાણંદ આવેલ અને સુપરવાઇઝર વિજેન્દ્ર ઠાકુર પુછપરછ કરતા તેણે જણાવેલ કે મે આપણી ઈકકો ગાડીની ચાવી આપણી ઓફીસમા કામ કરતા રઘુવેન્દ્ર કુશ્વાહ (રહે-કમલાખેડા (ઉતરપ્રદેશ)ને આપેલ હોય જે ઇંકકો ગાડી લઈ ગયેલ છે. સમગ્ર મામલે મુકેશભાઈ સુખાભાઈ દરજીયાએ ગાડી ચોરી અંગે રઘુવેન્દ્ર કુશ્વાહ વિરુદ્ધમાં સાણંદ પોલીસમાં ફરિયાદ નોંધાવી છે.

સાણંદ વિરોચનગરમાંથી નશાકારક સીરફની 200 બોટલો સાથે 1 ઝબ્બે

July 3rd, 2024

સાણંદના વિરોચનગર ગામેથી 1 શખ્સને ઝડપી ગેરકાયદેસર નશાકારક કફ સીરપની 200 બોટલો સાથે ઝડપી લઇ વધુ કાર્યવાહી હાથ ધરી છે. કુલ 3 શખ્સો વિરુદ્ધ જીઆઈડીસી પોલીસમાં ગુનો નોંધયો છે.

સૂત્રોના જણાવ્યા અનુસાર ગ્રામ્ય એસ.ઓ.જી.ની ટીમના હે.કો શક્તિસિંહ છત્રસિંહ તથા ગણેશભાઇ નાકુભાઇને સંયુકત રીતે બાતમી હકીકત મળેલ કે, મોહસીનભાઇ મુરાજખાન પઠાણ (રહે. મસ્જીદવાસ, વિરોચનનગર તા.સાણંદ જિ.અમદાવાદ)ના કબ્જા ભોગવટાના મકાનમા ગે.કા રીતે વગર પાસપરમીટે નશાકારક કફસીરપની બોટલોનો જથ્થો ચોરીછુપીથી રાખી પોતાના આર્થિક ફાયદા માટે ગેરકાયદેસર રીતે વેચાણ કરે છે.

જેથી એસઓજી ટીમે બાતમી વાળા સ્થળે રેડ કરી મોહસીનભાઇના મકાનમાંથી નશાકારક કોડેઇન કફ સીરપની 200 બોટલો મળી આવતા પોલીસે મોબાઈલ, બોટલો મળી કુલ રૂ.30,700નો મુદ્દામાલ જપ્ત કરી પકડાયેલ ઈસમની નશાકારક કફ સીરપની બોટલો કોની પાસેથી લઇ આવેલ અને કોને વેચાણ આપવાની હતી તે બાબતે પૂછપરછ કરતાં તેણે જણાવેલ કે પોતે ગઇ કાલે બપોરે પોતાના મોબાઇલ ઉપરથી મુળ ગામ છારોડી તા.સાણંદ હાલ રહે જુહાપુરા, અમદાવાદ વાળા ફૈઝાનખાન હજરતખાન પઠાણના મોબાઇલ નંબર ઉપર ફોન કરીને આ નશાકારક કફસીરપની બોટલો મંગાવી હતી.

ગઇ કાલે રાત્રીના આશરે સાડા નવેક વાગે ફૈઝાનખાનએ તેને ફોન કરીને તેના માણસ અને ગામના રીયાઝખાન મુરાદખાન મલેકને માલ આપવા મોકલી આપતા રીયાઝખાન તેને તેના ટુ વ્હીલર ઉપર બે પુંઠાના અલગ અલગ બોકસમા નશાકારક કફસીરપની બોટલ આપી ગયેલ છે. અને તેના રૂ.30 હજાર તેને આપવાના બાકી છે અને આ નશાકારક કફસીરપની બોટલો જી.આઈ.ડી.સીમા કામ કરતા મજુરોને છુટક વેચાણ કરતો અને તે પોતે અગાઉ એક વખત નશાકારક કફસીરપના ગુનામા સાણંદ જી.આઈ.ડી.સી પોલીસ સ્ટેશનમા પકડાઇ હોવાનું સામે આવતા એસઓજી ટીમે 3 વિરુદ્ધ ગુનો નોંધી તપાસ હાથ ધરી છે.

સાણંદમાં 2 સ્થળેથી પાર્ક કરેલ બાઈકની ચોરી થઈ

July 3rd, 2024

સાણંદ શહેરમાં એસ.બી.આઈ બેન્ક પાસે પાર્ક કરેલ બાઇક અને શહેરના બાવળીયાનો ઝાપા પાસે ઘર પાસે પાર્ક કરેલ બાઇકની ચોરી થતાં પોલીસ ફરિયાદ સાણંદ પોલીસમાં દાખલ થઈ છે.
સાણંદના ચેખલા ગામે રહેતા સુરપાલસિંહ ચંદુભા વાઘેલા ગત તા.24 જૂન ના રોજ બપોરના બે વાગ્યે તેઓ બાઇક સાણંદ એસ.બી.આઇ.બેન્ક ની બાજુમાં પાર્ક પાર્ક કરી એસ.બી.આઈ.બેન્કની બાજુમાં આવેલ પહેલા માળે ઓફીસમાં ગયાઅને કામ પતાવી બપોરના આશરે સાડા ત્રણેક વાગ્યે તેઓ નિચે આવ્યા ત્યારે પાર્ક કરેલ બાઇક હતું નહીં કિં.રૂ 67,215ની કિંમતનું બાઇક અજાણ્યા ચોરે ચોરી કરી ફરાર થતાં સાણંદ પોલીસમાં ફરિયાદ નોંધાવી હતી.

બીજી તરફ સાણંદના બાવળીયાના ઝાપા પાસે રહેતા મોસીનખાન બસીરખાન જાતે પઠાણ ગઇ તા 28 જૂન તેઓએ ઘરની બહાર પાર્ક કરી સૂઈ ગયા હતા અને સવારે બહાર આવ્યા ત્યારે પાર્ક કરેલ બાઇક હતું નહીં જેથી અજાણ્યા ચોર ઇસમે કિં.રૂ.55 હજારનું બાઇક ચોરી કરી ફરાર થતાં બનાવ અંગે સાણંદ પોલીસમાં ફરિયાદ નોંધાવી હતી.

સાણંદમાં સૂચિત ગટર વેરા અંગે જનપ્રતિનિધિઓની પાલિકા સીઓ સાથે ચર્ચા

July 2nd, 2024

સાણંદ શહેરનો છેલ્લા ૧૫ વર્ષથી સૌથી મોટો અને વણઉક્લ્યો પ્રશ્ન ગટર યોજનાનો છે અને પબ્લિક રોજેરોજે હેરાન થઇ રહી છે ત્યારે બીજીતરફ પાલિકાએ ગટર યોજનાનો વેરો નાખવાની પુરે પુરી તૈયારી કરી ઠરાવ કરીને જાહેર નોટિસ પ્રસિદ્ધ કરતા ગામ લોકોમાં વિરોધનો વંટોળ ઉભો થયો છે ત્યારે
સાણંદના વિકાસના મુદ્દાઓ માટે કાર્યરત બિનરાજકીય ફોરમ “સાણંદ સર્વાંગી વિકાસ મંચ”નું ડેલીગેશન સોમવારે નગરપાલિકા ચીફ ઓફિસરને મળ્યું. હાલમાં જ સાણંદ નગરપાલિકા દ્વારા ગટર યોજના અંતર્ગત સૂચિત વેરા અંગેની જાહેર નોટિસ આપવામાં આવી છે ત્યારે આ બાબતે સાણંદ નો સૌથી મોટો અને પ્રજા માટે માથાના દુઃખાવા સમાન બનેલ ગટર યોજનાની હાલની સ્થિતિ અંગે તાગ મેળવવા આ બેઠકમાં પંદર જેટલા પ્રશ્નોની ચર્ચા કરવામાં આવી. જેમાં ગટર યોજનાના અધૂરા કામો , રોજે રોજ ઉભરાતી ગટરની સમસ્યાઓ અંગે વિગતે ચર્ચા કરી માહિતી મેળવવામાં આવી હતી .
સમગ્ર મામલે સાણંદ સર્વાંગી વિકાસ મંચ દ્વારા પ્રતિનિધિઓએ જણાવ્યું કે તેઓ પાલિકા દ્વારા સૂચિત ગટર વેરા અંગે શહેરના નાગરિકો અને અગ્રણીઓ સાથે ચર્ચા કરવામાં આવશે.

સાણંદ જીઆઇડીસી ખાતે એસપી ની અધ્યક્ષતામાં જન જાગૃતિ કાર્યક્રમ યોજાયો.

July 1st, 2024

જિલ્લા પોલીસ અધિક્ષક ઓમ પ્રકાશ જાટ ની અદ્યક્ષતા મા મેક્સિસ રબર ઇન્ડિયા પ્રાઇવેટ લી કંપની, વોલટાસ બેકો કંપની પાછળ સાણંદ જીઆઈડીસી ખાતે તાજેતરમા અમલમા નવા કાયદા અંગે લોકો માં જાગૃતી આવે તે હેતુ થી ” જન જાગૃતિ ” કાર્યક્રમ યોજવામાં આવ્યો હતો. જે કાર્યક્રમ માં ડીવાએસપી નીલમ ઞોસ્વામી તથા શ્રી શિવ કોરી એડવોકેટ ના.હાઇ કોર્ટ તથા કંપનીઓના એચ.આર. ઓ , ગામ ના સરપંચઓ, આગેવાનો, બાળકો, મહિલાઓ, એનજીઓ વાળા, સાણંદ ઈન્ડસટ્રીજ એસોસિએશન ના સભ્યો વગેરે હાજર રહેલ હતા.

સનાથલ સર્કલથી પ્રતિબંધિત ઇ-સિગારેટ સાથે સરસપુરનો યુવક પકડાયો

July 12th, 2024

સાણંદના માધવનગર સ્ટેટ હાઇવે ઉપર અકસ્માતમાં 4 ગાયોનાં મોત

July 10th, 2024

નવાપુરા બ્રિજ પાસે હોટલ નજીક પાર્ક કરેલ બાઇક ચોરી

July 10th, 2024
Breaking News

સાણંદમાં ભગવાન જગન્નાથની રથયાત્રા યોજાઇ

July 7th, 2024

સાણંદના પિંપણ ગામે ઘર આગળ પાર્ક રૂ.1 લાખની બાઇક ચોરાઇ

July 5th, 2024

સાણંદમાં પાર્ક કરેલી કારની ચોરી થઈ

July 3rd, 2024

સાણંદ વિરોચનગરમાંથી નશાકારક સીરફની 200 બોટલો સાથે 1 ઝબ્બે

July 3rd, 2024

સાણંદમાં 2 સ્થળેથી પાર્ક કરેલ બાઈકની ચોરી થઈ

July 3rd, 2024

સાણંદમાં સૂચિત ગટર વેરા અંગે જનપ્રતિનિધિઓની પાલિકા સીઓ સાથે ચર્ચા

July 2nd, 2024

સાણંદ જીઆઇડીસી ખાતે એસપી ની અધ્યક્ષતામાં જન જાગૃતિ કાર્યક્રમ યોજાયો.

July 1st, 2024