બાંધકામ ઉદ્યોગમાં સીમાચિહ્નરૂપ. કંપની સુરૉજ઼ બિલ્ડકોનએ સાણંદ, અમદાવાદ, ગુજરાતમાં KEI વાયર અને કેબલ્સ માટે VCV ટાવર પાઇલ કેપ રાફ્ટના નિર્માણ દરમિયાન ભારતમાં સૌથી વધુ સતત કોંક્રિટ રેડવાનો રેકોર્ડ બનાવ્યો. 27 ડિસેમ્બર, 2024 ના રોજ સાંજે 5:30 વાગ્યે રેકોર્ડ-બ્રેકિંગ કોંક્રિટ રેડવાની કામગીરી પૂર્ણ થયેલ. 8,700 ક્યુબિક મીટર કોંક્રીટનો સમાવેશ થાય છે અને રિતેશ હર્ષદ દ્વારા ઈન્ડિયા બુક ઓફ રેકોર્ડમાંથી નિર્ણય લેવામાં આવ્યો હતો. VCV ટાવર, 158 મીટર સુધી પહોંચતું ટાવરિંગ માળખું, 4.5 મીટર ઊંડા પાઇલ કેપ ફાઉન્ડેશન પર ટકે છે. આ સિદ્ધિ ઇજનેરી નવીનતા અને બાંધકામ શ્રેષ્ઠતાનું ઉદાહરણ આપે છે. આ સિદ્ધિ વિશે બોલતા, સુરોજ બિલ્ડકોન પ્રા. લિ.ના ડિરેક્ટર સોપાન ખેડેકર. લિ.એ જણાવ્યું હતું કે, “આ નોંધપાત્ર સીમાચિહ્ન હાંસલ કરવા બદલ અમને અતિ ગર્વ છે. આ સિદ્ધિ એ અમારી સમગ્ર ટીમના અસાધારણ કૌશલ્યો અને અતૂટ સમર્પણનો પુરાવો છે. અમે એવા પ્રોજેક્ટ્સ પહોંચાડવા માટે પ્રતિબદ્ધ છીએ જે માત્ર ઉચ્ચતમ ધોરણોને પૂર્ણ કરતા નથી પરંતુ તેને પાર કરે છે. ગુણવત્તા, સલામતી અને નવીનતા”પ્રોજેક્ટની સફળતા સુરોજ બિલ્ડૂનની મોટા પાયે, જટિલ પ્રોજેક્ટ્સને ચોકસાઇ અને કાર્યક્ષમતા સાથે હાથ ધરવાની ક્ષમતાને રેખાંકિત કરે છે, કંપનીએ KEI વાયર એન્ડ કેબલ્સ, JLL, IPS મેહતલિયા કન્સલ્ટન્ટ્સ, RMC વિક્રેતાઓ અને આ અસાધારણ સિદ્ધિમાં યોગદાન આપનાર દરેકનો આભાર વ્યક્ત કર્યો હતો.

દેશના ગૃહ મંત્રી અમિત શાહે ડો.બાબાસાહેબ આંબેડકર બાબતે કરેલા નિવેદનના વિરોધમાં સાણંદમાં અનુસૂચિત સમાજના લોકોએ શુક્રવારે સાણંદ બસ સ્ટેશન પાસે રોડ પર ભેગા થયા અને બેનર લઈને સૂત્રોચાર કરી રેલી કાઢી હતી. તે રેલી નળ સરોવર ત્રણ રસ્તા, ગઢીયા, વાઘેલા બોડિંગ થઈ સાણંદ મામલતદાર કચેરીએ આવેદનપત્ર આપી નિવેદનનો ઉગ્ર વિરોધ કર્યો હતો.

વેસ્ટર્ન ડિસ્ટર્બન્સના કારણે રાજ્યનાં ઘણા સ્થળે શુક્રવારે વાતાવરણમાં પલટો આવ્યા બાદ કમોસમી વરસાદ પડતા ધરતીપુત્રો શિયાળુ પાકને લઇને ચિંતામાં મૂકાયા છે. ઉત્તર ગુજરાતના અરવલ્લી સહિત 9 તાલુકામાં અડધો ઇંચ જેટલો વરસાદ પડ્યો. જ્યારે વલસાડ, બાલાસિનોર, કપડવંજ, ચરોત્તરમાં પણ માવઠુ પડ્યા હોવાના અહેવાલ છે. ઘઉં, મકાઈ, દિવેલા, ચણા, રાયડો તેમજ શાકભાજીમાં ભારે નુકશાનીની ભીતિ સોવાઇ રહી છે. કપડવંજમાં 3 મીમી વરસાદ નોંધાતા ખેડૂતો ચિંતામાં મૂકાયા : શહેર અને પંથકમાં સાર્વત્રિક વરસાદ પડ્યો. ચરોતરમાં સવારે સામાન્ય છાંટા પડતાં ખેડૂતોમાં ચિંતા વ્યાપી ગઇ. વલસાડ જિલ્લામાં ધૂમસ્યું વાતાવરણ છવાઈ ગયું,કપરાડાના કેટલાક વિસ્તારોમાં કમોસમી વરસાદ નોંધાયો. ઉપરાંત અમદાવાદ, જૂનાગઢ, વડોદરા અને જામનગરમાં દિવસ દરમિયાન વરાસદી માહોલ રહ્યો હતો.

બાવળા અને બગોદરા વચ્ચે ભમાસરા ગામ પાસે અકસ્માત થયો હતો. બગોદરાથી અમદાવાદ તરફ જતી કાપડની ટ્રકનું ટાયર ફાટતા બાવળા તરફથી બગોદરા તરફ જતી ટ્રક સાથે અથડાઈ હતી. આ ઘટનામાં કુલ 4 ભારે વાહનો ભટકાતાં ગંભીર અકસ્માત થયો હતો.
ત્યારબાદ ટ્રકમાં બ્લાસ્ટ થઈને આગ લાગી હતી. આ અકસ્માત અને આગની ઘટનામાં એકનું મોત થયું છે, જ્યારે એકને ઈજા પહોંચી છે. ઘટનાની જાણ થતા બાવળા, બગોદરા અને કોઠ પોલીસ સ્થળે પહોંચી હતી. ધોળકા, સાણંદ સહિતના ફાયર બ્રિગેડની ટીમો પણ ઘટનાસ્થળે પહોંચીને આગ પર કાબુ મેળવ્યો હતો. હાલ પોલીસ દ્વારા આ મામલે તપાસ શરૂ કરવામાં આવી છે. ઘટનાને પલગે DYSP સહિત પોલીસ અધિકારીઓએ ઘટના સ્થળે દોડી આવ્યા હતા.

ભારતીય કિસાન સંઘ ફરી એક વખત ખેડૂતોના પ્રશ્નને લઈને મેદાન આવ્યું છે, દર ચોમાસામાં સાણંદના ખોડા ગામના તળાવમાં ઉપરવાસના પાણી આવવાના કારણે તળાવ ઓવર ફ્લો થાય ત્યારે આસપાસના વિસ્તારમાં ખેતરોમાં પાણી ભરાઈ જવાની સમસ્યા અંગે ગરનાળું મૂકવા સાણંદ તાલુકા ભારતીય કિસાન સંઘના પ્રમુખે માંગ ઉઠાવી છે.
સાણંદ તાલુકા ભારતીય કિસાન સંઘના પ્રમુખ જગદીશસિંહ વાઘેલાએ જણાવ્યુ કે છેલ્લા 5 થી 7 વર્ષથી દર ચોમાસામાં ખોડા,વિરપુરા તેમજ નારણપૂરાના ખેડૂતોને નુકશાન થાય છે, જેના કારણે ત્રણેય ગામ અને કડી તાલુકાનાં ગામોનું પાણી ખોડા ગામના તળાવમાં આવવાથી તળાવનું પાણી ઓવર ફ્લો થઈને ગામના નીચાણવાળા વિસ્તારમાં ઘૂસી જાય છે વળી ગત ઓક્ટોબર મહિનામાં પડેલ વરસાદના કારણે ઘઉંની વાવણી કરી શકાઈ નથી, જે બાબતે ત્રણેય ગામના ખેડૂતોએ મામલતદાર, પ્રાંતને પણ અગાઉ આવેદન આપું રજૂઆત કરી પણ આજદિન સુધી ધ્યાને નથી લીધી, ત્યારે હાલ જીઆઈડીસી રોડનું કામ ચાલુ છે ત્યારે તંત્ર જો એક ગળનાળું મૂકે તો ત્રણેય ગામના ખેડૂતોને પડતી સમસ્યાનો ઉકેલ આવી શકે તેમ છે, તેમજ ઓક્ટોબર મહિનામાં પડેલ વરસાદથી પાકને થયેલ નુકશાનની આપવા માંગ કરી હતી.

કાંકરિયા કાર્નિવલનો પ્રારંભ કરાવતા મુખ્યમંત્રીએ કહ્યું કે, 2006માં તત્કાલીન મુખ્યમંત્રી અને હાલના વડાપ્રધાન નરેન્દ્ર મોદી દ્વારા તેનો કાયાકલ્પ કર્યો તે પહેલા તે તળાવકાંઠા કે પછી પ્રાણીસંગ્રહાલય માટે ઓળખાતું હતું. 15 વર્ષથી કાંકરિયા ખાતે નગરોત્સવ ઉજવાય છે. 1196 બાળકોએ એક સાથે કેન્ડી – ચોકલેટ ખાઇને ગીનીસબુક ઓફ વર્લ્ડ રેકોર્ડમાં સ્થાન મેળવ્યું છે. શહેરનો હેપીનેસ ઇન્ડેક્સ ઉંચો આ‌વે, વર્લ્ડ ક્લાસ િસટી બને તેવી વડાપ્રધાનની નેમ છે.

ડેડીયા પાડાથી દર્દીને મૂકીને પરત આવતી સુરત નવી સિવિલ હોસ્પિટલની એમ્બ્યુલન્સને ગમખ્વાર અકસ્માત નડ્યો હતો. પૂણા કેનાલ રોડ પર એમ્બ્યુલન્સ બીઆરટીએસ રેલિંગને અથડાઈ પલટી ખાઇ ગઇ હતી. જેથી એમ્બ્યુલન્સ ચાલકને ગંભીર ઈજાઓ થતા 108 એમ્બ્યુલન્સ મારફતે સારવાર માટે નવી સિવિલ હોસ્પિટલ ખાતે ખસેડવામાં આવ્યો હતો.

             ભાઠેના પંચશીલ નગરમાં 27 વર્ષીય આશિષ સત્યદેવ દુબે રહે છે. તે સુરત નવી સિવિલ હોસ્પિટલમાં એમ્બ્યુલન્સ ડ્રાઈવર તરીકે નોકરી કરે છે. મંગળવારે સાંજે આશિષ નવી સિવિલ હોસ્પિટલની એમ્બ્યુલન્સમાં દર્દીને મૂકવા માટે ડેડીયા પાડા ખાતે ગયો હતો. રાત્રિના તે હોસ્પિટલ ખાતે પરત આવી રહ્યો હતો. દરમિયાન પૂણા કેનાલ રોડ પાસે આશિષે એમ્બુલન્સના સ્ટીયરિંગ પરથી કાબૂ ગુમાવી દીધો હતો. જેથી એમ્બ્યુલન્સ બીઆરટીએસના રેલીંગ સાથે અથડાઈ પલટી મારી ગઇ હતી. સર્જાયેલા ગમખ્વાર અકસ્માતમાં લોકોના ટોળા એકઠા થઇ ગયા હતા.
           અકસ્માત થતા એમ્બ્યુલન્સ ચલાવનાર આશિષને ગંભીર ઈજા થઈ હતી. લોકોએ એકત્રિત થઈને તેને એમ્બ્યુલન્સમાંથી બહાર કાઢ્યો હતો. 108 એમ્બ્યુલન્સ મારફતે સારવાર માટે નવી સિવિલ હોસ્પિટલ ખાતે ખસેડવામાં આવ્યો હતો. અકસ્માતમાં આશિષને ગંભીર ઈજાઓ થઈ હોવાનું જાણવા મળ્યું છે. તેમજ રસ્તાની વચ્ચે છોકરાઓ આવી ગયા હોવાથી અકસ્માત સર્જાયો હોવાનું આશિષે ડોકટર સામે કહ્યું હતું. પરંતુ આશિષે દારૂ પીધા બાદ એમ્બ્યુલન્સ ચલાવતો હોવાનું નવી સિવિલ હોસ્પિટલમાં ચર્ચા ચાલી રહી છે. હાલ તો આશિષને હોસ્પિટલમાં સારવાર માટે દાખલ કરવામાં આવ્યો છે.

પવનની દિશા બદલાવાની સાથે ઉત્તર પૂર્વના ઠંડા પવનો ફૂંકાવાનું શરૂ થતાં અમદાવાદ સહિત રાજ્યમાં ઠંડીનો ચમકારો વધ્યો છે. અમદાવાદમાં 24 કલાકમાં લઘુતમ તાપમાન 5 ડિગ્રી ગગડી ગયું હતું. સોમવારે લઘુતમ તાપમાન 17.8 ડિગ્રી નોંધાયું હતું જે મંગળવારે 12.7એ પહોંચી ગયું હતું. હજુ 24 કલાક સુધી ઠંડીનું જોર યથાવત્ રહેશે. એ પછી તાપમાન ફરી 2થી 4 ડિગ્રી વધતાં ઠંડીથી થોડી રાહત મળવાની શક્યતા છે.
હવામાન ખાતાની યાદીમાં જણાવ્યા મુજબ મંગળવારે અમદાવાદમાં મહત્તમ તાપમાન 26.7 ડિગ્રી તેમજ લઘુતમ તાપમાન 12.7 ડિગ્રી નોંધાયું હતું.શહેરમાં સવારથી ઠંડા પવનને પગલે શીતલહેર ફરી વળી હતી. નલિયામાં સૌથી વધુ 7.5 ડિગ્રી ઠંડી નોંધાઈ હતી.

બાવળા તાલુકાનાં કોચરીયા ગામનાં પાટીયા પાસેથી બાતમી આધારે એલસીબીની ટીમે ટ્રકમાં સિરામીક પાવડરની થેલીઓની આડમાં લઇ જવાતો ભારતીય બનાવટનો વિદેશી દારૂ અને બીયરની 13545 બોટલો મળી આવતાં પોલીસે 48,46,413 રૂપીયાનો વિદેશી દારૂ સાથે 63,85,913 રૂપીયાનો મુદામાલ કબ્જે કરીને 2 શખ્સને ઝડપી લઈ માલ આપનાર અને માલ મંગાવનાર 3 બુટલેગરને વોન્ટેડ જાહેર કરી પ્રોહીબીશન એક્ટ હેઠળ ગુનો નોંધી કાર્યવાહી હાથ ધરી છે.
અમદાવાદ ગ્રામ્યનાં પોલીસ મહાનિરીક્ષક જે.આર.મોથલિયા અને ગ્રામ્ય પોલીસ અધિક્ષક ઓમ પ્રકાશ જાટ દ્વારા જીલ્લામાં દારૂ અને જુગારની અસામાજીક પ્રવૃત્તિ ચલાવતા ઇસમો વિરૂધ્ધ કાયદેસર કાર્યવાહી કરવા પોલીસ અધિકારીઓને સૂચના આપી છે. તેમજ આગામી 31 મી ડીસેમ્બર અન્વયે દારૂ અને જુગારની અસામાજીક પ્રવૃત્તિ રોકવા માટે 23 થી 31 ડિસેમ્બરથી સુધી તે ડ્રાઇવનું આયોજન કરવાની પણ સૂચના આપી હોવાથી ગ્રામ્ય એલ.સી.બી.ની ટીમ પેટ્રોલીંગ કરી રહી હતી. કેરાળા જી.આઈ.ડી.સી. પોલીસની હદમાં રામનગર પાટીયા પાસે ટ્રક ટ્રેલર નંબર GJ-12-BZ-2568 માં સીરામીક પાવડરની કોથળીઓ નીચે વિદેશી દારૂનાં બોક્સ ભરેલા હતાં.
ટીમે 48,46,413 રૂપીયોનો વિદેશી દારૂ 15,00,000 રૂપીયાની ટ્રક, 30,000 રૂપીયાનાં સીરામીક પાડવરની 300 કોથળીઓ, 5,000 રૂપીયાનો મોબાઇલ, 3,500 રૂપીયા રોકડા મળી કુલ 63,85,913 રૂપીયાનો મુદામાલ જપ્ત કરીને અનિરૂધ્ધસિંહ ખુમાનસિંહ રાઓલ, રહેવાસી, લીંમડી, જી.સુરેન્દ્રનગર અને સંદિપીસંગ જોગીદંરસીંગ કાપસે (શીખ), રહેવાસી, હાલ- લીલાસા સોસાયટી, આદીપુર કચ્છ-ભુજ, મુળ રહેવાસી, ગુરૂદ્રારાની બાજુમાં, મેઘાણીનગર, અમદાવાદને ઝડપી લઇ પુછપરછ કરતાં કહ્યું કે આ માલ રાજસ્થાનનાં પાલીનાં વિરેન્દ્રસિહએ માલ ભરીને આપ્યો હતો અને ગાંધીધામ કચ્છનાં શિવરાજસિહ શેખાવત અને મુન્નાભાઇ કાઠીએ માલ મંગાવ્યો હતો.અને અમને એક ફેરાનાં 20,000 રૂપીયા નક્કી કર્યા હતાં.જેથી ત્રણેય બુટેલેગરોને વોન્ટેડ જાહેર કરીને તમામ વિરૂદ્ધ કેરાળા જી.આઇ.ડી.સી. પોલીસમાં પ્રોહીબીશન એકટ હેઠળ ગુનો નોંધી કાર્યવાહી હાથ ધરી છે.