અમદાવાદ જિલ્લા કલેકટર પ્રવીણા ડી.કે.એ ધંધુકા તાલુકાના ગુંજાર, આકરુ અને ખરડ ગામની મુલાકાત લીધી હતી. જિલ્લા કલેકટરએ ત્રણેય ગ્રામ પંચાયત કચેરીની મુલાકાત લઈ પ્રજાકીય કાર્યોની સમીક્ષા કરી હતી.જિલ્લા કલેકટર પ્રવીણા ડી.કે. ત્રણેય ગ્રામ પંચાયતના કામગીરીની સમીક્ષા કરી જરૂરી સૂચનો કર્યા હતા આ ઉપરાંત વિકાસના કાર્યોની પણ સમીક્ષા કરી હતી તથા ત્યાં હાજર સબંધિત અધિકારીઓને આ બાબતે જરૂરી સૂચનો પણ કર્યા હતા.વધુમાં કલેકટરએ ત્રણેય ગામના સરપંચ સહિત ગ્રામજનો સાથે ગામના પ્રશ્નો બાબતે સંવાદ પણ કર્યો હતો અને તેના યોગ્ય નિરાકરણની દિશામાં ચર્ચા વિચારણા પણ કરવામાં આવી હતી. વધુમાં ગામોમાં સ્વચ્છતા બાબતે પર પણ ભાર મૂકવામાં આવ્યો હતો.

જિલ્લા કલેકટર પ્રવીણા ડી.કે. ગુંજાર ગામે શાળા પ્રવેશોત્સવની ઉજવણીમાં સહભાગી થયા હતા અને ભૂલકાંઓને શાળા પ્રવેશ કરાવ્યો હતો. કલેકટરએ ભૂલકાંઓને શૈક્ષણિક કીટ આપી શાળામાં પ્રવેશ કરાવડાવ્યો હતો. વધુમાં તેમના હસ્તે તેજસ્વી વિદ્યાર્થીઓનું પણ સન્માન કરવામાં આવ્યું હતું.કલેકટરએ શાળા પ્રવેશોત્સવના પ્રસંગે જણાવ્યું હતું કે, શાળા પ્રવેશોત્સવના કારણે રાજ્યમાં શિક્ષણના સ્તરમાં નોંધપાત્ર સુધારો થયો છે. આ પ્રવેશોત્સવ થકી બાળકો પણ અનેરા ઉત્સાહ સાથે શાળામાં પ્રવેશે છે. વધુમાં કલેકટરએ શાળા વ્યવસ્થાપન સમિતિ સાથે બેઠક યોજી હતી અને શિક્ષણ અને શાળાની કામગીરીની માહિતી મેળવી જરૂરી સૂચનો પણ કર્યા હતા.આ પ્રસંગે ધંધુકા પ્રાંત ઓફિસર પ્રતીક કુંભાણી, મામલતદાર વિજયસિંહ ડાભી તથા સ્થાનિક પદાધિકારીઓ, ગામના સરપંચ સહિત ગ્રામજનો ઉપસ્થિત રહ્યા હતાં.