અમદાવાદ અને બરોડા સહિત લાંબા અંતરની ટ્રેનોમાં મુસાફરોના સામાનની ચોરી કરતા હિલ્હીના અઠંગ ચોરની અમદાવાદ રેલવે એલસીબી પોલીસે ધરપકડ કરી છે. અમદાવાદ રેલવે સ્ટેશન પરથી ઝડપાયેલા દિલ્હીના આ ચોર વિરૂધ્ધ અમદાવાદ રેલવે પોલીસ સ્ટેશનમાં ત્રણ અને બરોડા રેલવો પોલીસ સ્ટેશનમાં એક ગુનો નોંધાયેલો છે. દિલ્હીમાં અલગ અલગ પલીસ સ્ટેશનોમાં આઠ તથા ઝાંસી રેલવે પોલીસ સ્ટેશનમાં બે ગુના નોંધાયેલા છે.

         રેલવે પોલીસના જણાવ્યા મુજબ આરોપીની મોડસ ઓપરેન્ડી એવી હતી કે તે એકલ દોકલ મુસાફરના મોબાઈલ અને એટીએમ કાર્ડ તથા અન્ય સામાનની ચોરી કરતો હતો. બાદમાં એટીએમ કાર્ડની મદદથી નજીકની દુકાનમાં જઈને ખરીદી કરી લેતો હતો. આ પ્રકારે તેણે અનેક ગુનાને અંજામ આપ્યો હતો.છેલ્લા કેટલાક સમયથી ગુજરાતમાં ટ્રેનોમાં મુસાફરોના સામાનની ચોરીના બનાવોનું પ્રમાણ વધી ગયું હતું. જેમાં કોઈ ગેંગ સક્રિય હોવાનું પોલીસને જાણવા મળ્યું હતું. જેને આધારે રેલવે એલસીબીના પી.આઈ.જે.એચ.ગઢવીએ ઉપરી અધિકારીઓના માર્ગદર્શન હેઠળ તપાસ હાથ ધરી હતી. જેમાં મદાવાદ રેલવે સ્ટેશન પરથી દિલ્હીના આરોપી આઝાદખાન ગુલામહુસેન ખાન(31)ને ઝડપી લેવાયો હતો. જ્યારે તેના સાગરીત રિયાઝ અહેમદ નાસીર અહેમદ શેક તથા તમન્ના ફરાર છે જેમની પોલીસે શોધ હાથ ધરી છે. આરોપી પાસેથી પોલીસે રૂ.2,00,000 ની કિંમતનો મુદ્દામાલ કબજે કરીને વધુ તપાસ હાથ ધરી છે.