વિરમગામમાં મુખ્ય માર્ગે પર ટ્રાફિકને અડચણરૂપ ગેરકાયદે 20 લારી ગલ્લા સહિત 45 જેટલા દબાણો હટાવીને રોડ ખુલ્લા કરવામાં આવ્યા હતા. ગોલવાડી દરવાજા થી ભરવાડી દરવાજા સહિત વિરમગામ શહેરના નાના-મોટા ગેરકાયદે દબાણો એક વર્ષ પહેલા મેગા ડિમોલેશન હેઠળ દૂર કરવામાં આવ્યા હતા ત્યારબાદ ફરી ગેરકાયદે દબાણ થતાં ટ્રાફિકની સમસ્યા સર્જાઈ હતી. વિરમગામ નગરપાલિકા એ પોલીસ ટિમ સાથે મળી ટ્રાફિકને અડચણરૂપ લારી ગલ્લા સહિત નાના મોટા ગેરકાયદે બાંધકામ દૂર કર્યા હતા.