સાણંદની શિવ કૃપા સોસાયટીમાં ગટરના પાણી ઉભરાઇને રોડ પર ભરાવો થતાં રોગચાળો ફાટી નીકળવાની સ્થિતિ સર્જાઈ છે ગંદા પાણી ભરાઈ જતાં મચ્છરનો ઉપદ્વ સર્જાતા ઘરની બહાર નીકળતા જ દૂષિત પાણીમાંથી રહીસોને પસાર થવાની નોબત આવી પડી છે.
સાણંદમાં આવેલ શિવ કૃપા સોસાયટીમાં ગટરના 6 મહિનાથી ગટરના પાણી ઉભરાઇ જવાની સમસ્યા વકરી છે. સોસાયટી દ્વારા અગાઉ પાલિકામાં રજૂઆત કરવા છતાં પણ આજદિન સુધી યોગ્ય કાર્યવાહી ન થતાં તંત્રની કામગીરી સામે લોકોએ રોષ વ્યક્ત કર્યો છે. રહીસોએ ઝડપી આ સમસ્યાનું નિરાકણ લાવવા માટે માંગ કરી છે.