ફતેવાડીમાં રહેતા ઈમરાન આલમ અંસારીએ વેજલપુર પોલીસ સ્ટેશનમાં ફરિયાદ નોંધાવી છે કે, 31 ઓક્ટોબરના રોજ તેઓ તેમના પરિવાર સાથે તેમની સાસરી આણંદમાં ગયા હતા. 3 નવેમ્બરના રોજ બપોરે તેઓ પરત આવ્યા, ત્યારે તેમના ઘરના મુખ્ય દરવાજાનું લોકનો નકુચો તૂટેલી હાલતમાં હતો. ઘરમાંથી દિવાલ સાથે લગાવેલું એલઈડી ટીવી ગાયબ હતું. આ ઉપરાંત ઘરમાંથી 8000 રોકડ ચોરી થઈ હતી. સોના ચાંદીના 1.48 લાખના દાગીનાની પણ ચોરી થઈ હતી. કુલ 1.68 લાખ રૂપિયાની ઘરમાંથી ચોરી થઈ હતી, જેથી આ અંગે પોલીસને જાણ કરી હતી. પોલીસ આવતા તેમને અજાણ્યા વ્યક્તિ વિરુદ્ધ ચોરીની ફરિયાદ નોંધાવતા પોલીસે ગુનો નોંધી તપાસ શરૂ કરી છે.