બાવળા આરટીઓમાં છેલ્લા બે દિવસથી સર્વર ખોટકાઈ જતા અરજદારોને ધક્કો ખાવાનો વારો આવ્યો છે. પોતાના નોકરી ધંધામાંથી સમય કાઢી ડ્રાઇવિંગ ટેસ્ટ માટે આવનાર 100 જેટલા અરજદારોને ધક્કો ખાવો પડ્યો હતો. આ બાવળા આરટીઓમાં વારંવાર સર્વર ખોટકાવાના કારણે અરજદારોને મુશ્કેલી પડતી હોય છે, જેના કારણે દેત્રોજ,વિરમગામ,ધોલેરાના લોકોને ધક્કો થઈ રહ્યો છે, આ ઉપરાંત સર્વર ડાઉન થવાના કારણે વિદેશ જનારા પ્રવાસીઓને ડ્રાઈવિંગ લાઈસન્સ કાઢવવામાં મુશ્કેલી આવી રહી છે, તેઓને લાઇસન્સ વગર જ વિદેશ જવા મજબૂર બન્યા છે. તેમ છતાં પણ રાજ્યના વાહન વ્યવહાર વિભાગ દ્વારા અરજદારોની મુશ્કેલીનો ઉકેલ લાવવામાં આવતો નથી.